akṣamāla
← Back to స · Booklets 51–60 (digitized file 6)

స్వజాతీయ విజాతీయ స్వగత భేదములు svajātīya vijātīya svagata bhēdamulu

Original — తెలుగు
  1. తన జాతికి సంబంధించిన వస్తువులవలన గాని, మఱియొక జాతికి సంబంధించిన వస్తువులవలనకాని, తనయందే యున్న అనేక పదార్థములవలనగాని కలుగు భేదము - అది ఎట్లంటే - ఒక చెట్టులో అనేక భాగములున్నవి - వేళ్ళు మాను, పెద్ద కొమ్మలు, చిన్న కొమ్మలు, చిగుళ్ళు ఆకులు, పువ్వులు, కాయలు, పండ్లు. ఒకభాగము ఇంకొకభాగమువలె లేదు - దాని రూపు వేరు, దీని రూపు వేరు, దాని పేరు వేరు, దీని పేరు వేరు - ఈ ప్రకారముగా ఒకే చెట్టులోనే యున్న ఒకభాగమునకు, ఇంకొక భాగమునకు ఉన్న భేదము, లేక తేడా స్వగతభేదము అని చెప్పబడును. ఈ భేదము భగవంతునిలో లేదు - ఎందుచేతననగా, - “ఆత్మైనేవమగ్ర ఆసీత్, ఏకమేవ, అద్వితీయం నాన్యత్ కించన మిషత్” (ఇప్పుడు వేరు వేరు రూపములతోను, నామములతోను కనబడుచున్న ఈ ప్రపంచమంతటిలోను ఉన్న వస్తువులన్నియు, ఈ ప్రపంచము పుట్టకముందు అంతా ఒక్క ఆత్మగానే యుండెను. ఆ స్థితిలో - అప్పటి స్థితిలోనున్నదంతయును ఆత్మ ఒక్కటే కనుక చెట్టు వలె వేఱు వేఱు అవయవములు కలిగి యుండలేదు - అంతా ఒక్కటే, ఓకే రూపము కలిగియుండెను - అందుచేత ఆత్మ స్వగత భేదము లేనిది.

ఒకే జాతికి చెందిన రెండు చెట్లలో రెండూ ఒకేలాగ లేవు - ఒకటి మాముడిచెట్టు, రెండవది పనస చెట్టు - ఈ రెండు చెట్లుకు గల భేదమే స్వజాతీయ భేదము. ఈ భేదము పరమాత్మలో లేదు - అది ఎట్లంటే - ఆత్మైవేదమగ్ర ఆసీత్, ఏకమేవ, అద్వితీయం, నాన్యత్ కించిన మిషత్ (ఇప్పుడు అనేక నామ రూపములతో కనబడు వస్తువులుగల ప్రపంచము సృష్టికి ముందు ఒక్క ఆత్మగానే యుండెను - ‘ఏకమే’ వ అనుటవలన ఒకే వస్తువుగా - ఏకముగా నుండెను - అనగా విశేషములు లేక యుండెను. ఆత్మ అద్వితీయమని కూడా చెప్పబడెను - అనగా ఆత్మవంటి రెండవ వస్తువు లేదు - అనగా ఆత్మ తర్వాత ప్రపంచమునకు సృష్టి లయములు చేసినది. అటువంటి శక్తి గల వస్తువుమఱియొకటి లేదు - సృష్టి స్థితి లయములు చేయు ఆత్మ ఒకటేయని దీని వలన స్పష్టమగుచున్నది - తనజాతికి సంబంధించిన వస్తువు - మఱియొకటి లేనందున ఆత్మ స్వజాతీయ బేదము లేనిది అని చెప్పబడుచున్నది.

మనిషి పశువు వేరు వేరు జాతులకు సంబంధించినవారు. అందుచేత అది విజాతీయ భేదము - ఇట్లే ఆత్మవస్తువు మఱొకటి లేకయుండుటయే కాక, ఏ విధమైన ఇతర జాతి వస్తువైనను లేదు - అందుచేత ఆత్మకు విజాతీయ భేదము లేదు. ఏ విధమైన ఇంకొక జాతి వస్తువు లేదు అని చెప్పుటచేత ఉన్నదంతా ఆత్మ ఒక్కటే అనియు, దానిలోనుండి సృష్టి జరిగినది కనుక దానిలోనుండి పుట్టినవస్తువులన్నియు ఆత్మ రూపములే - ఉన్నదంతా ఆత్మయే కాని వేఱొకటి లేదు –

“క. - - -

ఆ - - -

హరిమయముగాని ద్రవ్యము

పరమాణువు లేదు – వంశపావనీ వింటే“. (శీమదాంధ్రమహాభాగవతము - 2 - 1 - 17)

Transliteration
  1. tana jātiki saṃbaṃdhiṃcina vastuvulavalana gāni, maṟiyoka jātiki saṃbaṃdhiṃcina vastuvulavalanakāni, tanayaṃdē yunna anēka padārthamulavalanagāni kalugu bhēdamu - adi eṭlaṃṭē - oka ceṭṭulō anēka bhāgamulunnavi - vēḷḷu mānu, pedda kommalu, cinna kommalu, ciguḷḷu ākulu, puvvulu, kāyalu, paṃḍlu. okabhāgamu iṃkokabhāgamuvale lēdu - dāni rūpu vēru, dīni rūpu vēru, dāni pēru vēru, dīni pēru vēru - ī prakāramugā okē ceṭṭulōnē yunna okabhāgamunaku, iṃkoka bhāgamunaku unna bhēdamu, lēka tēḍā svagatabhēdamu ani ceppabaḍunu. ī bhēdamu bhagavaṃtunilō lēdu - eṃducētananagā, - “ātmainēvamagra āsīt, ēkamēva, advitīyaṃ nānyat kiṃcana miṣat” (ippuḍu vēru vēru rūpamulatōnu, nāmamulatōnu kanabaḍucunna ī prapaṃcamaṃtaṭilōnu unna vastuvulanniyu, ī prapaṃcamu puṭṭakamuṃdu aṃtā okka ātmagānē yuṃḍenu. ā sthitilō - appaṭi sthitilōnunnadaṃtayunu ātma okkaṭē kanuka ceṭṭu vale vēṟu vēṟu avayavamulu kaligi yuṃḍalēdu - aṃtā okkaṭē, ōkē rūpamu kaligiyuṃḍenu - aṃducēta ātma svagata bhēdamu lēnidi.

okē jātiki ceṃdina reṃḍu ceṭlalō reṃḍū okēlāga lēvu - okaṭi māmuḍiceṭṭu, reṃḍavadi panasa ceṭṭu - ī reṃḍu ceṭluku gala bhēdamē svajātīya bhēdamu. ī bhēdamu paramātmalō lēdu - adi eṭlaṃṭē - ātmaivēdamagra āsīt, ēkamēva, advitīyaṃ, nānyat kiṃcina miṣat (ippuḍu anēka nāma rūpamulatō kanabaḍu vastuvulugala prapaṃcamu sṛṣṭiki muṃdu okka ātmagānē yuṃḍenu - ‘ēkamē’ va anuṭavalana okē vastuvugā - ēkamugā nuṃḍenu - anagā viśēṣamulu lēka yuṃḍenu. ātma advitīyamani kūḍā ceppabaḍenu - anagā ātmavaṃṭi reṃḍava vastuvu lēdu - anagā ātma tarvāta prapaṃcamunaku sṛṣṭi layamulu cēsinadi. aṭuvaṃṭi śakti gala vastuvumaṟiyokaṭi lēdu - sṛṣṭi sthiti layamulu cēyu ātma okaṭēyani dīni valana spaṣṭamagucunnadi - tanajātiki saṃbaṃdhiṃcina vastuvu - maṟiyokaṭi lēnaṃduna ātma svajātīya bēdamu lēnidi ani ceppabaḍucunnadi.

maniṣi paśuvu vēru vēru jātulaku saṃbaṃdhiṃcinavāru. aṃducēta adi vijātīya bhēdamu - iṭlē ātmavastuvu maṟokaṭi lēkayuṃḍuṭayē kāka, ē vidhamaina itara jāti vastuvainanu lēdu - aṃducēta ātmaku vijātīya bhēdamu lēdu. ē vidhamaina iṃkoka jāti vastuvu lēdu ani ceppuṭacēta unnadaṃtā ātma okkaṭē aniyu, dānilōnuṃḍi sṛṣṭi jariginadi kanuka dānilōnuṃḍi puṭṭinavastuvulanniyu ātma rūpamulē - unnadaṃtā ātmayē kāni vēṟokaṭi lēdu –

“ka. - - -

ā - - -

harimayamugāni dravyamu

paramāṇuvu lēdu – vaṃśapāvanī viṃṭē”. (śīmadāṃdhramahābhāgavatamu - 2 - 1 - 17)

English

English translation not yet available for this entry. Let us know if you'd like to help.